Op Paddy

Dis die oefening wat ek moes doen in 'n poging om my dreseer te verbeter. Dink nie dit het gehelp nie - arme Paddy.

Om te Leef

Een van daai eposse wat die rondte doen en wat die moeite werd is om te onthou.

HOW TO LIVE

1. Keep only cheerful friends. The grouches pull you down.
2. Keep learning. Learn more about the computer, crafts, gardening, whatever. Never let the brain idle. 'An idle mind is the devil's workshop.' And the devil's name isAlzheimer's.
3. Enjoy the simple things..
4. Laugh often, long and loud. Laugh until you gasp for breath.
5. The tears happen. Endure, grieve, and move on. The only person, who is with us our entire life, is ourselves. Be ALIVE while you are alive.
6. Surround yourself with what you love , whether it's family, pets, keepsakes, music, plants, hobbies, whatever. Your home is your refuge.
7. Cherish your health: If it is good, preserve it. If it is unstable, improve it. If it is beyond what you can improve, get help.
8. Don't take guilt trips. Take a trip to the mall, even to the next county; to a foreign country but NOT to where the guilt is.
9. Tell the people you love that you love them, at every opportunity.
AND ALWAYS REMEMBER :Life is not measured by the number of breaths we take, but by the moments that take our breath away.

We all need to live life to its fullest each day!!

Worry about nothing, pray about everything

Kameelperdkaskenades

Die wild raak redelik lus vir lek teen die einde van die winter. Die gras se voedingswaarde neem baie af.

Nuweling

Emma het hierdie foto's van ons nuweling elandkalf op die plaas geneem. Dankie Emma!

Ierland en Engeland

Ek het my blog en foto's opgedateer.

My Ierland blog is by http://ajg-ierland.blogspot.com/.

Picasa webalbums van Ierland en Engeland:

Ierland Augustus 2011

Engeland, 1-3 September 2011

Die Luislang op ons plaas

Die luislang op die plaas - video geneem 21 Augustus net voor ek op die vliegtuig geklim het.

Lengte omtrent 3 m.

http://www.youtube.com/watch?v=_Esz6C-4H2Q

Ierland en Engeland - Augustus 2011

Ek rits alweer oorsee, en voor ek weer my hele blog verloor vir 'n paar dae omdat Google senuweeagtig raak as mens van 'n nuwe plek af inlog, het ek maar 'n nuwe blog geskep vir die trippie. Sien http://ajg-ierland.blogspot.com/.

Barcelona Julie 2011 Foto's

Hier is my fotos op Picasaweb.

Barcelona_Jul2011

My BLOG het net verdwyn :-((

Nadat ek die vorige blog post gedoen het, het my blog net heeltemal vedwyn. Dit was 4 dae weg, en verskyn toe weer... en mens het natuurlik geen manier om Google te kontak nie, en natuurlik nog minder houvas op hulle as mens se blog net in die niet of eterruimte verdwyn.

Gelukkig het Alta se blog nerens heen gegaan nie en mens kan dit by http://alta-in-florence.blogspot.com/ kry. Ek sal probeer inhaal, maar dis moeilik na die tyd. Die geheim is om elke dag op datum te bly.

Passie-fasade kriptogram

Dit is fasinerend. Op die Passie Fasade is daar 'n kriptogram van Subirachs. Elke ry en elke kolom, op en af en kruis en dwars, tel op na 33 toe, Jesus se ouderdom toe hy gekruisig is. Ek het vir my so 'n sleutelhouer gekoop!

Inligting en fotos van http://www.gaudiclub.com/ingles/i_vida/cripto.html

Barcelona, 12 Julie 2011

Ons het vandag ons voete afgeloop om te sien wat ons kan in Barcelona. Heel eerste het ons die die Sagrada Familia wat baie naby ons hotel is, aangepak. Ons was al 8:30 in die tou en hulle het eers 9:00 die deure oopgemaak. Toe ons daar aankom, was die tou alreeds lank, maar ons het gelukkig vasgebyt. Dit was 'n ongelooflike ervaring, ek het elke oomblik geniet. Dit is maar die moeite werd om die audio-guides te huur. Dit maak dat alles wat mens sien net soveel meer betekenis het. Daarsonder is dit net 'n klomp indrukwekkende en soms eienaardige beelde. As mens die storie ken, is dit baie interessant. Gaudi is regtig een van die ongelooflikste kunstenaars wat die wereld nog gesien het. Later meer....

Na Sagrada Familia het ons die moltrein aangepak op pad Picasso Museum toe. Daar gekom was die tou net eenvoudig te lank. Dit het amper 'n kilometer ver in die pad af gestaan. Dit is nie 'n goeie tyd van die jaar om die dinge hier te probeer sien as mens min tyd het nie. Ek dink meer as helfte van die mense in hierdie stad is op die oomblik toeriste. Ons het toe maar Guell Palace toe gegaan. Dit was net so interessant. Dite Guell-familie was/is een van die mees prominente en rykste families in Barcelona en het baie van Gaudi se werk moontlik gemaak, veral omdat hul hom as jong argitek reeds ondersteun het. Die uiteindelike resultaat was die ongelooflike Sagrada Familia. Daarna is ons na Parc Guell toe waar ons vir Tommie gekry het en weer 'n klomp van Gaudi se uitbundige geboue en beelde gesien het. Ek het elke oomblik geniet.

My voete was op, ons is terug hotel toe en het mekaar en Kody by La Rambla gekry vir aandete. Barcelona is regtig vir my 'n wondrlike stad. Die moltreinstelsel werk baie goed, die stad het goeie aanwysings en is skoon, en dit is regtig mooi en interessant. More begin die werk - ek wonder of ek enigiets van DL2011 gaan verstaan...

Barcelona, 11 Julie 2011

Ek het toe darem by my hotel uitgekom. Die lughawe op Barcelona is nie baie groot nie, maar goed georganiseer. Selfs by die taxis is daar toue en marshals wat mens soos skapies aanjaag na die rye taxis toe. Die vliegtuig was vol vakansiegangers en duisende (skool?)kinders wat oppad is strand toe.

My hotelletjie, Hostal Hostemplo, is modern binne al is die gebou oud, en baie skoon. Ek is uiters danbaar, was maar benoud. Ek het 'n dubbelkamer maar dit is nog steeds so klein dat ek die deur moet oopmaak as ek omdraai! Ek het gisteraand na ete net omgeval en soos 'n dooie 10 ure lank geslaap. Die hotelletjie is uitstekend gelee.

Munchen lughawe, 11 Julie 2011

Ek het so lanklaas gepost en dit is wraggies 'n jammerte. Die lewe spoed so verby.
Ek sit op Munchen se lughawe na 'n bekrompte vlug. Mens moet nooit heel voor in cattle class sit nie. Daar is nie beenspasie nie, en die besigheidsklassitplekke is net deur die gordyn. Glad nie goed vir die psige nie. Ek was moeg, maar kon nog steeds nie veel slaap nie. My volgende vlug na Barcelona is 11.20 so ek het nog baie tyd om hier te verkwis. Gelukkig het hulle verniet draadlose internet en uitstekende koffie. Selfs die slegste koffies hier vegelyk effens met ons s'n by die huis.

Dis warm en bewolk, en ek is soos altyd verwonderd oor die vlak van beskawing en effektiwiteit.

Nouja - tot later

Rondritsende

Wat 'n woeste 2 maande. Ek was in Sodwana einde April, toe in Toronto en Atlanta in Mei en die res van Mei het in 'n waas van jetlag verbygegaan. Junie is ek Madeira toe. Ek het 13 Junie, 5am in Madeira uit die hotel vetrek en eers my voete in die huis gesit  1nm die 14e Junie. Die 15e het ek probeer pak vir 'n kamp en toertrip, en 16 Junie 4am het ons vertrek Namib toe. Ons het laas Maandag teruggekom na 'n baie ekstreme 4x4 ervaring. Ek was die laaste 2 maande in 8 lande (SA ingesluit), op 3 kontinente en 'n eiland! Nou probeer ek weer alles bymekaar bring en dit is nogal 'n uitdaging. Ek het selfs vergeet waar goed op P&P se rakke is. Ek dink ek gaan baie energie spandeer daaraan om nerens heen te gaan tot Desember nie.

Madeira foto's

My Madeira foto album is op Picasaweb. Klik net op die foto hieronder.

Madeira-2010

Innsbruck 2009

Hier is ons Innsbruck blog wat Alta gehou het - http://innsbruck2009-alta.blogspot.com/

Madeira 2010

Alta is so oulik. Sy blog alweer ons trip. Tot dusver het ek net gewerk, my praatjies het my baie senuagtig gemaak. Hier is haar blog.

Toronto - Mei 2010

Donderdag 13 Mei 2010, 00:12

Hier is ek in Toronto

Dit het alles vir my so vinig gebeur (voel dit vir my), dat ek nie mooi besef dat ek hier is nie. Ek het nog so half probeer om die tog te reel en goedkeuring te kry, en toe ek my oe uitvee, is die kaartjie gekoop. Daarna was dit die malle jaagtog om alles te reel met kinders, diere, werk, visum en wat nog. En hier is ek nou.

Die reel van die visum was 'n storie op sy eie. Ek was net mooi SES keer by of in die Kanadese High Commision. Dit in die aaklige Hatfield wat tans net bestaan uit straatwerke, opgehoopte verkeer en belaglike eenrigtings.

Die vlug hiernatoe is baie, baie lank. Ek het letterlik 28 ure gereis voordat my voetjies in die hotel grondgevat het. Die vlug van Jhb na Atlanta was 16+ uur. Daarna moes ek vyf ure rondhang in 'n vervelige A blok van Atlanta se lughawe, en toe was dit nog 2 ure na Toronto, en amper 'n halfuur in die taxi vir $55!

Toronto is baie ver suid in Kanada, eintlik half in Amerika. Verskeie van die VSA se stede en state is noord van Toronto. Die stad is glad nie 'n toeristestad nie - hier is GEEN stalletjies met yskasmagnete en 'I love Toronto' t-hemde nie. Ek weet nie waar gaan ek 'n Toronto-yskasmagneet kry vir my versameling nie!

Die stad is baie kosmopolitaans en wil so half vir my die idee gee dat dit Europa (van lank terug) gebaster met Amerika is. Kos kan mens van alles en nog wat kry: Vietnamees, Indies, Thai, Sushi, Itaiaans, Spaans, Starbucks en baie winkels met bagels. Die koffie is aaklig, die heel beste is Starbucks wat hier vir my slegter as in VSA self is.

Toronto self het nie veel om te sien nie. Die aantrekingskrag is maar in die aktiwiteite wat hier plaasvind, en om regtig deel te wees daarvan, moet mens langer hier wees. In Toronto self is die CN toring wat tot 2007 die hoogste toring in die wereld was, maar nou is daar een in Dubai wat hoer is. Ek was naby die toring Maandag, maar hulle is besig met konstruksiewerke in die hele blok en ek kon nie sien hoe mens tot by die toring kan kom nie. Hier is 'n paar fotos.

Toronto verkoop die Niagravalle as hulle groote besieningswaardigheid, maar daar gaan ek nie uitkom tens ek die konferensie afgee nie. Ek wou Maandag gaan, maar kon op geen manier op 'n bus kom op kort kennisgewing nie. Mens moet die vorige dag bespreek. Die uitstappie is 'n hele dag, mens vertrek 9:00 hier en is eers die aand 7-8:00 pm terug.

Nou ja, dit is dit vir eers.

My Ou Blogs

Skielik kan ek nie meer op Litnet blog nie, daar is nou 'n nuwe stelsel. En ek hou net mooi niks daarvan nie, want hoe lank gaan hulle my ou bloginskrywngs bere?

Hier is waar dit was, en hier, maar ek kopieer 'n klomp inskrywings hierna toe. Verskoon...

Terug (letterlik en figuurlik)

Dond 16 Apr 2009, 13:29

Dit beteken in blogland en in SA. Ons planne om gereeld te blog is toe deur duur internettoegang gekortwiek. 'Internet available' in Italie beteken of internet twee blokke in die straat af of internet op 'n rekenaar in die voorportaal waar die mense toustaan en dit als teen 5 Euro per uur.

Ons het 'n ongelooflike besoek in Rome gehad. Omdat dit so dol gegaan het voor die tyd en ons nie tyd gehad het vir baie huiswerk doen nie, het ons twee peperduur toere geboek via 'n verlangse familiekennis by Through Eternity. Dit was absoluut die moeite werd omdat die toergidse argeoloee en kunskenners is.

Die Sisteinse Kapel was my hoogtepunt. Daar is net eenvoudig nie woorde nie - niemand en niks kan dit wat in daai plek aangaan kopieer of beskryf nie. Dis asof Michaelangelo se beelde leef en dit is sy ongelooflike gebruik van ruimte en perspektief wat 'n kopie net nie kan oordra nie.

Hulle het selfs ekstra kaartjies gehad vir die Roomse mis Sondag vir ons, en ons het 3 ure daar gesit in die Vatikaanstad en was deel van daai grootse gebeurtenis, wel net as toeriste want die Rooms Katolieke manier is maar vreemd vir my. Dit was ongelooflik al was alles in Latyn. Daarna het ons nog vir oulaas die Pantheon gaan beskou voor ons die vliegtuig moes haal terug.